З 20 лістапада па 01 снежня ва ўстанове адукацыі праводзілася прадметная дэкада па беларускай мове.
Фотоотчёт можно посмотреть в разделе "Фотоальбомы"
З 20 лістапада па 01 снежня ва ўстанове адукацыі праводзілася прадметная дэкада па беларускай мове. Яе мэтай было азнаямленне педагогаў з метадычным вопытам у выкладанні беларускай мовы, стварэнне ўмоў для развіцця педагагічнага майстэрства, павышэння ўзроўню выкладання вучэбнага прадмета “Беларуская мова”, росту прафесійнага самаразвіцця настаўнікаў; стварэнне ўмоў для пашырэння цікавасці вучняў да вывучэння беларускай мовы, выканання творчых работ па прадмеце.
У рамках дэкады прайшлі адкрытыя ўрокі, заняткі ў дашкольных групах, пазакласныя мерапрыемствы. Вучні прынялі ўдзел у алімпіядзе па беларускай мове, прадэманстравалі свае моўныя ўменні пры чытанні вершаў беларускіх пісьменнікаў, выкананні беларускіх песень, інсцэніраванні. Разам з настаўнікамі яны вывучалі прыроду роднага краю, яго традыцыі, рамёствы.
На працягу ўсей дэкады ў школьнай бібліятэцы працавала выстава беларускіх кніг, што часцей за ўсё чытаюцца вучнямі.
Вынікам творчай дзейнасці педагогаў і навучэнцаў установы стаў фестываль “Зямля пад белымі крыламі…”, на якім дзеці паказалі свае здольнасці ў выкананні беларускіх вершаў і песень, дэманстравалі беларускія касцюмы і вырабы беларускай кухні. Сумесная праца вучняў, настаўнікаў і бацькоў садзейнічала творчаму настрою і ўзнімала дух спаборніцтва.
Падвядзенне вынікаў дэкады прайшло ў форме экскурсу па праведзеных мерапрыемствах з узнагародай лепшых удзельнікаў і пераможцаў.
